Suíomh Idirlín Mhaigh Eo ag Comóradh an Chéid
Suíomh idirlín stairiúil seolta ag Heather Humphreys, T.D., Aire Ealaíon, Oidhreachta agus na Gaeltachta i Leabharlann Chaisleán an Bharraigh
Seoladh suíomh idirlín nua i Leabharlann Chaisleán an Bharraigh le déanaí a dhéanann taifead ar dheich mbliana a bhí ar an tréimhse is cinniúnaí sa stair. Gheobhfar cuntas ar centenerymayo ar na heachtraí is mó a thit amach in Éirinn agus timpeall na cruinne idir 1913 agus 1923, agus ar na himpleachtaí a bhí acu do Mhaigh Eo. Clúdaítear an Chéad Chogadh Domhanda, Cogadh na Saoirse, an Cogadh Cathrach, agus gluaiseacht na mban ar an suíomh, chomh maith le cur síos ar shaol laethúil na linne sin.
Gheofar freisin cur síos ginearálta ar an tréimhse, amlíne imeachtaí, ailt ar na príomheachtraí, beathaisnéisí ar go leor daoine mór le rá i Maigh Eo ag an am, roinnt pictiúr (cuid acu nach bhfacthas riamh), léarscáil a thaispeánann mar ar tharla roinnt de na himeachtaí le linn na tréimhse sin agus mar a bhfuil leachtanna nó plaiceanna cuimhneacháin, liosta na marbh, scéalta agus íomhanna ó nuachtáin áitiúil na linne sin, agus naisc leis na foinsí móra náisiúnta agus idirnáisiúnta ar na hábhair seo. Ba iad Leabharlann Mhaigh Eo agus Oifig Oidhreachta Mhaigh Eo a chruthaigh an suíomh, agus é deartha ag mic léinn iarchéime de chuid OÉ Gaillimh.
Gliogáil ar centenarymayo.ie chun an suíomh stairiúil seo a fheiceáil
Lá Spóirt Óglaigh na hÉireann, 12 Iúil 1914
Faiche spóirt an Ospidéil Mheabhairghalair. Féile Mhíliteach eagraithe faoi choimirce Chathlán Chaisleán an Bharraidh d’Óglaigh na hÉireann.Feicfear fir suite droim leis an gceamara le criosanna gualainne leathair armlóin ar a nguaillí clé, cnapsaic bhána canbháis ar a nguaillí deasa, agus hataí cromdhuilleacha nó caipíní de chuid na nÓglach á gcaitheamh acu.Tá slua mór bailithe timpeall an raoin.Sa chúlra, is féidir an choill mhór a bhíodh mórthimpeall ar Pháirc Spencer agus an Currach a fheiceáil.
“Bailiúchán Leabharlann Chontae Mhaigh Eo”, iomhá le caoinchead ó Kieran Downes, a bhronn albam ar Leabharlann Mhaigh Eo.
Sonraí Teagmhála:
Austin Vaughan, Leabharlannaí an Chontae, Lárleabharlann Chaisleán an Bharraigh, Bóthar Sheáin Uí Mhóra, Caisleán an Bharraigh, Co. Mhaigh Eo. Ríomhphost: avaughan@mayococo.ie Teil: +353 (0)94 9047923