Tá tú anseo: An Leabharlann > Staidéar Áitiúil > Tabhartais > Tabhartais go dtí Nollaig 2008

Lean an Leabharlann air

Tabhartais go dtí Nollaig 2008

Tabhartais

Is comhlacht formheasta faoi Alt 484 den Acht Comhdhlúite Cánacha, 1997, í Leabharlann Chontae Mhaigh Eo. Tá faoiseamh cánach ar fáil do dhaoine aonair, nó do chorparáidí, mar thabhartais airgid ar luach idir €100 agus €1000.

Fuarthas na tabhartais seo a leanas:

Fuair Leabharlann Chontae Mhaigh Eo, trí Betty Solan, Uasal, Coillte Mach, bronntanas de shaothar an Ollaimh James Carney, Institiúid Ard-Léinn Bhaile Átha Cliath, nach maireann. Is mó an cháil atá ar an Ollamh Carney de bharr na n-aistriúchán a rinne sé ar shaothar léannta na Gaeilge agus de bharr a bheith ina eagarthóir ar luathfhilíocht na Gaeilge.  Is ó mhac an údair, an Breitheamh Paul Carney, a fuarthas an bronntanas, agus i measc an ábhair atá ann tá bailiúchán litreacha a fuair a athair ó acadóirí ardchéimiúla agus iad ag plé a chuid saothair.

Tá bronntanas álainn de shraith priontaí ón naoú haois déag faighte ag Leabharlann Chontae Mhaigh Eo ó Maggie Blanck, Brooklyn, Nua-Eabhrac. Is as roinnt nuachtán na priontaí lena n-áirítear The Illustrated London News, Harpers Weekly agus The Graphic. Tráth roimh ré na grianghrafadóireachta, chuireadh eagarthóirí nuachtán ealaíontóirí ainmniúla chuig gach cearn den domhan chun pictiúir a tharraingt de mhórimeachtaí na linne sin. I measc na radharcanna sa bhailiúchán seo, tá:

Sceitsí in iarthar na hÉireann, Feabhra 1847
Margadh móna i ndeisceart na hÉireann, Eanáir 1880
Cábán iascaire i gConamara, Márta 1880
Sceitsí de mhuintir na tuaithe agus feirmeoirí tionóntachta, Nollaig 1880
Ionad vacsaínithe i gCúige Chonnacht, Nollaig 1880
Roinnt radharcanna a bhaineann le Captaen Boycott
Díshealbhú i gContae Mhaigh Eo, Aibreán 1886
Ar cuairt chuig cábán i gCliara, Aibreán 1886

Chruthaigh an tUasal Blanck suíomh gréasáin a bhaineann le stair a teaghlaigh, agus tá go leor de na priontaí ón mbailiúchán le feiceáil ann.  Ní gá ach cliceáil ar http://www.maggieblanck.com/  (nasc seachtrach: osclaítear fuinneog nua).  Is mian le Leabharlann Chontae Mhaigh Eo buíochas a ghabháil leis an Uasal Blanck as ucht a fialmhaireachta.

Fuarthas na bronntanais seo a leanas chomh maith:

• Daonáireamh 1911 do pharóiste Bhuiríos Umhaill – bronnta ag William G. Masterson, Indianapolis, SAM.

• Páipéir Leamhcán (maidir le teaghlach Bingham) – bronnta ag Leabharlann Choláiste na Ollscoile, Gaillimh

• Páipéir Stock (maidir leis an Easpag Stock i 1798) – bronnta ag Leabharlann Choláiste na hOllscoile, Gaillimh

• Peronnick the Fool le George Moore; cóip shínithe d’eagrán teoranta – bronnta ag The George Moore Society.

• Bailiúchán leabhar, físeán agus dlúthdhioscanna a bhaineann le siondróm Down – bronnta ag The Downs Syndrome Association

• Tabhartas €762 chun leabhair a cheannach faoi shláinte ban do Leabharlann Fuaime Acla – bronnta ag Comhlacht Forbartha Áitiúil Acla

• Prionta de Kate O’Rourke, Máistreás Poist, Baile an Róba agus a fear céile Thomas Fitzpatrick, fear gnó, Baile an Róba c. 1900 – bronnta ag Kay Brennan, Bóthar na Cé, Inis Crabhann, Co. Shligigh.

• The Communion Book of Services of the Church of Ireland – bronnta ag an Dr. McCarthy

• Cóipeanna de chomhfhreagras ón Urramach John McGough, Leacach, Co. na Gaillimhe chuig Tiarna Chill Mheáin, an Éill, maidir le tionóntacht fheirm a mhuintire gar do Chaisleán an Bharraigh. – (cóip de fhreagra ó Thiarna Chill Mheáin chuig an Urramach Mc.Gough chomh maith), 1857-1859 – bronnta ag Peggy Concannon, Bóthar Bhaile Uí Fhiacháin, Caisleán an Bharraigh.

• Bailiúchán mór leabhar ficsin agus tagartha – bronnta ag Mary O’Malley, Gortawalsh, Baile Uí Fhiacháin.

• An Appeal to the Public le George Robert Fitzgerald, Uasal (ba le Thomas Connolly é agus ceartaithe aige chomh maith), 1782

• The Career of George Robert Fitzgerald, better known as Fitzgerald the Fire-Eater, in the West of Ireland le Thomas Patrick Faulkner, 1893

• The Trials of George Robert Fitzgerald and Timothy Brecknock, 1786 (fíordheimhnithe ag James Browne, Ard-Ghiúróir) Bronnta thar ceann William James Valentine Comerford, Dlíodóir, nach maireann, as Tuaim

• Macasamhla de Chláir Bhaistí na hEaglaise Meitidistí:
  Caisleán an Bharraigh 12 Eanáir 1829 – 9 Bealtaine 1954
  Béal an Mhuirthead Iorras 18 Deireadh Fómhair 1851 – 10 Lúnasa 1861
  Cathair na Mart 5 Aibreán 1853 – 25 Iúil 1861
  Bronnta ag an Urramach Cathal Duffy, Cumann Críostaí Chaisleán an Bharraigh.

• Localised Pasts and Presents: Critical viewpoints on the making of County Mayo ’s commemorative heritages. Tráchtas M. A. le Michael Quinn 2006.
  Bronnta ag an údar.

• Albam de 24 sceitse le Sandham Symes, dátaithe 1848. I measc na n-íomhánna tá Leacht Glendenning, Cathair na Mart; Teach Chathair na Mart; Béal an Átha; Príosún Chaisleán an Bharraigh; Pontún; agus Mainistir na Maighne.

• Resident Magistrate John C. Milling le Donal Buckley. Alt faoi mharú Ghiúistís Chónaithigh i gCathair na Mart sa bhliain 1919, chomh maith le macasamhla cáipéisí a bhfuil baint acu leis.
  Bronnta ag an údar.

• Carrowbeg Parish of Kilcolman – Some Local History le Martin Duggan Bronnta ag an údar.

Eolas Teagmhála:
Ivor Hamrock
Rannóg na Staire Áitiúla, Leabharlann Chaisleán an Bharraigh, Bóthar Sheáin Uí Mhórdha, Caisleán an Bharraigh, Co. Mhaigh Eo.
Teileafón: +353 (0)94 9047953
Ríomhphost: ihamrock@mayococo.ie