Litreacha ó Dheoraithe
Litreacha ó Dheoraithe
Cuid den tionscadal Cultúr 2000, a bhí maoinithe ag an Aontas Eorpach, ba ea an tionscadal EMILE (early EMIgrant LEtter). Ba é cuspóir an tionscadail doiciméadú a dhéanamh ar mhórghluaiseacht na n-eisimirceach go Meiriceá idir 1820 – 1920, trí thaithí na n-eisimirceach Eorpach a chur i comparáid agus i gcodarsnacht, bunaithe ar fhianaise ó na litreacha a sheol siad abhaile. Is cuid lárnach de stair choiteann na hEorpa iad na litreacha seo, agus is féidir leo léargas a thabhairt ar an ré seo a raibh tionchar mór aige ar an Eoraip agus ar Mheiriceá araon. I measc rannpháirtithe an tionscadail bhí iarsmalanna agus leabharlanna sa tSualainn, san Iodáil, sa Pholainn, agus i bPoblacht na Seice, agus ghlac Leabharlann Chontae Mhaigh Eo páirt thar ceann na hÉireann.
D’fhág tonnta móra eisimirce a rian ar stair na hÉireann. Le himeacht ama, tháinig laghdú breis is leath ar dhaonra na tíre seo de bharr na heisimirce. Bhí Contae Mhaigh Eo ar cheann de na contaetha ba mheasa a bhí buailte ag an eisimirce i rith an naoú agus an fichiú haois. Laghdaigh daonra an chontae ó 388,887 go 274,830 idir 1841 agus 1851, agus lean sé ag titim ó shin. Níor tháinig deireadh leis an meath go dtí druidim le deireadh an fichiú haois, agus thosaigh líon na ndaoine ag dul i méid. Sa lá atá inniu ann, is contae rathúil, beoga í Contae Mhaigh Eo a bhfuil 123,839 duine ina gcónaí ann, ach coimeádtar taifead ar a stair challóideach i gcartlann Leabharlann Chontae Mhaigh Eo.
Seo a leanas an cháipéisíocht a chur Leabharlann Chontae Mhaigh Eo faoi bhráid an EMIgrant LEtters Project
Tá tús eolais ghinearálta faoi eisimirce ón Eoraip go Meiriceá ar fáil ar an suíomh gréasáin http://www.kulturarvostergotland.se/emile/
