Foinsí Leictreonacha

Vision-net

Soláthraíonn Vision-net mioneolas ar gach cuideachta atá cláraithe in Éirinn, i dTuaisceart Éireann agus sa Ríocht Aontaithe. I measc an eolais atá ar fáil tá sonraí an stiúrthóra chomh maith le haon cháipéisí atá san Oifig um Chlárú Cuideachtaí.

Déantar an t-eolas a nuashonrú gach lá, sa chaoi gur féidir teacht ar eolas ar chuideachta a cláraíodh an lá roimh ré.

Tá an acmhainn seo ar fáil ar na ríomhairí poiblí sna leabharlanna ar fad i Maigh Eo. Ní gá ach gliogáil ar an bhfillteán ‘Electronic Resources’ ar an deasc.

Fact Finder

Cuimsítear 131 foilseachán Éireannacha a bhaineann le cuideachtaí agus le cúrsaí gnó san áis seo. Féadfaí cuardach a dhéanamh ar 2.1 milliún alt ag dul siar chomh fada le 1991. Tá an téacs iomlán de thromlach na n-alt seo ar fáil, agus tá an chuid eile ar fáil i bhfoirm choimrithe nó i bhfoirm luaite. I measc na n-irisí atá ar fáil tá Business & Finance, Enterprise & Innovation, ESRI Economic Quarterly, Local Authority News/Times agus Consumer Choice.

Tá rochtain ar an mbunachar sonraí seo ar fáil i ngach brainse leabharlainne faoi láthair.

Cuardaigh Fact Finder tríd an Leabharlann (nasc seachtrach; osclaítear fuinneog nua)

Lexis-Nexis: Nuacht & Eolas faoi Chuideachtaí agus an Dlí

Is féidir teacht ar an mbailiúchán eolais agus nuachta is mó sa domhan i réimse an ghnó tríd an tseirbhís seo. Istigh sa rannóg nuachta, tig leat cuardach a dhéanamh de réir ábhair ar na céadta tréimhseachán, nuachtán agus suíomh idirlín ó gach cearn den domhan, ina measc:

Irish Times, Irish Independent, Irish Examiner agus nuachtáin áitiúla
The Times, New York Times, Financial Times, Le Monde, Warsaw Times, Economist, Harvard Business Review

Tá eolas ar chuideachtaí ar fáil trí Global Company Research, agus tugann UK Law Journals rochtain ar eolas dlí ó bhunachar sonraí d’irisí Briotanacha.

Tá an acmhainn seo ar fáil ar na ríomhairí poiblí sna leabharlanna ar fad i Maigh Eo. Ní gá ach gliogáil ar an bhfillteán ‘Electronic Resources’ ar an deasc.

Léarscáileanna na S.O. & Foclóir Topagrafach Lewis

I measc na léarscáileanna de chuid na Suirbhéireachta Ordnáis atá againn, tá:

6” daite ó 1829-41
6” Dubh & Bán 1829-41
25” Dubh & Bán 1897-1913

Foclóir Topagrafach Lewis:
D'fhoilsigh Samuel Lewis an dá imleabhar dá chuid “The Topographical Dictionary of Ireland” den chéad uair sa bhliain 1837. Tugann sé mionchuntas ar gach paróiste, baile, agus sráidbhaile in Éirinn, agus tugann sé sonraí i leith dhaonra, gheilleagair, stair, thopagrafaíocht, agus chreideamh na gceantar seo, mar aon le struchtúr an pharóiste, cúrsaí riaracháin agus scoileanna, i measc ábhar eile.

Breathnaigh ar Léarscáileanna na Suirbhéireachta Ordnáis ón mbaile (nasc seachtrach; osclaítear fuinneog nua)

Tá an acmhainn seo ar fáil ar na ríomhairí poiblí sna leabharlanna ar fad i Maigh Eo chomh maith. Ní gá ach gliogáil ar an bhfillteán ‘Electronic Resources’ ar an deasc.

Bailiúchán Éireannach JSTOR

Tá rochtain saor in aisce á chur ar fáil ag Leabharlann Chontae Mhaigh Eo faoi láthair ar Bhailiúchán Éireannach JSTOR ina cuid brainsí ar fad.Bunaíodh JSTOR sa bhliain 1995 chun cartlanna iontaofa digiteacha a thógáil ar mhaithe le scoláireacht. Is bailiúchán idirdhisciplíneach de bheagnach céad iris é ‘The JSTOR Collection Ireland’ a forbraíodh i gcomhar le hOllscoil na Banríona, Béal Feirste (QUB) agus a chuireann téacs iomlán na n-alt ann ar fáil. Is féidir an bailiúchán a churdach de réir ábhair éagsúla, nó is féidir brabhsáil tríd de réir theideal na hirise.
Is iomaí disciplín a chuimsítear sa bhailiúcháin seo, ina measc tá ceol, ealaín, stair, litríocht, seandálaíocht, socheolaíocht, matamaitic, eolaíocht, agus go leor leor eile nach iad. Faightear tréimhsiúcháin neamhchoitianta nach bhfoilsítear a thuilleadh ach atá ríluachmhar ó thaobh an staidéir ar chultúr agus ar shaol polaitiúil na hÉireann de taobh le hirisí ina bhfhoilsítear ailt chomhaimseartha fhíorthábhachta ina réimsí féin.

Breathnaigh ar liosta iomlán na n-irisí atá ar fáil JSTOR Ireland Collection.

Cartlann na Nuachtán Áitiúil

Is féidir breathnú ar leaganacha digiteacha de nuachtáin áitiúla Chontae Mhaigh Eo ar ríomhairí i leabharlann Chaisleán an Bharraigh, Bhéal an Átha, Chathair na Mart, Chlár Chlainne Mhuiris, Bhéal an Mhuirthead, Bhéal Átha na Muice agus Bhaile an Róba. Is féidir an téacs an chuardach anois mar aon le bheith in ann brabhsáil tríd na nuachtáin. Seo a leanas liosta na nuachtán atá digitithe go dtí seo:

Western People, 1889 (An chéad eagrán) -2007

Ballina Herald, 1927-62
Ballinrobe Chronicle, 1866-1903
Western Journal, 1977-83

Chun an tseirbhís seo a úsáid, gliogáil ar an gcnaipe Mayo Newspaper Archive istigh san fhillteán Electronic Resources atá ar an deasc.

Picture of Burrishoole Abbey from Irish Tourist Association Survey, 1940's

Suirbhé an ITA, 1940í

Rinneadh Suirbhé Chomhlachas Turasóirí na hÉireann ar fud na tíre sna 1940í faoi stiúr na comhlachta a bhí ann roimh Bord Fáilte. Bailíodh eolas i leith fhóntais, nithe is díol spéise do thurasóirí, stair agus seaniarsmaí gach paróiste ar fhoirmeacha dearaithe go speisialta chuig an ngnó sin. Chuir na suirbhéirí bileoga breise leo go minic, agus uaireanta cuireadh grianghraif agus sceitsí leo.

Tá an Suirbhé seo ar Chontae Mhaigh Eo á dhigitiú ar bhonn leanúnach, agus is féidir breathnú air faoi rannóg na Staidéar Áitiúil dár suíomh gréasáin.

Seirbhís ‘Eolas do Shaoránaigh’ ar Líne

Soláthraíonn Citizen Information Online Service (nasc seachtrach; osclaítear fuinneog nua) eolas cuimsitheach ar gach gné de Sheirbhísí Poiblí agus ar theidlíochtaí shaoránaigh na hÉireann.Tá cur chuige pearsanta ag an suíomh seo chun eolas ar sheirbhísí poiblí agus ar chearta sóisialta agus sibhialta gach duine in Éirinn a chur i láthair agus a chur in iúl. Bailímid eolas ó ranna agus gníomhaíochtaí éagsúla rialtais, agus déanaimid cinnte go bhfuil an t-eolas ar fad a theastaíonn uait agat, agus é curtha i láthair ar bhealach atá éasca le tuiscint. Dearadh an suíomh go sonrach chun freastal ar riachtanais na n-úsáideoirí sna hamanna sin a mbíonn eolas ag teastáil faoi do chearta agus conas iarratas a dhéanamh ar seirbhísí stáit in Éirinn.

Cuardaigh an Chatalóg

Nuacht Leabharlainne

Cuir d’ainm ar ár liosta seachadta

Foinsí Leictreonacha