Íoslódáil Closleabhair ón Idirlíon
Íoslódáil Closleabhair saor in aisce ón idirlíon
- Ní theastaíonn uait ach uimhir do chárta Leabharlann Chontae Mhaigh Eo agus do PIN
- Íoslódáil ó áit ar bith, am ar bith, seacht lá na seachtaine
- Rogha de 600 leabhar
- Leabhair nua á gcur leis gach mí
- Comhaid MP3 atá iontu a réitíonn le do ríomhaire, do sheinnteoir MP3, d'iPod nó le do ghuthán póca.
Seo blaiseadh den rogha teideal atá ar fáil faoi láthair:
- Stieg Larsson - The Girl Who Kicked the Hornets' Nest
- David Nicholls - One Day
- Hilary Mantel - Wolf Hall
- Sophie Kinsella - Twenties Girl
Is bealach iontach é seo ábhar léitheoireachta a bhreith leat ar saoire gan toirt a chur le do mhála (agus táillí breise a íoc dá bharr!) Tig leat éisteacht le do leabhair ar an eitleán, ar thraein, nó sa charr – níl teorainn leis na féidearthachtaí!
Seo chugat blúiríní eolais chun cuidiú leat agus tú ag tosú amach
Céard is féidir liom a fháil ar iasacht?
Toisc gur féidir closleabhar a thabhairt ar iasacht do bhreis is duine amháin ag aon uair amháin, tá na hiasachtaí i bhfad níos solúbtha. Ceadaítear suas le deich gclosleabhar an duine ag aon uair amháin, agus nuair a íoslódáiltear iad bíonn fáil orthu ar feadh na gnáth-thréimhse leabharlainne, .i. trí seachtaine. Déantar iad a athnuachan díreach trí do chuntas NetLibrary ar líne.
Céard is gá dom a dhéanamh agus mé ag tosú amach?
Ar an gcéad dul síos, beidh ort clárú le NetLibrary – an clár a chuireann an tseirbhís ar fáil – agus cuntas a chruthú leo saor in aisce. Bain úsáid as na naisc thíos chun teacht ar an tseirbhís agus chun freagraí a fháil ar cheisteanna coitianta.
Chun clárú le NetLibrary, ní mór duit logáil isteach ar shuíomh idirlín na leabharlainne ar dtús le huimhir do chárta leabharlainne agus do PIN. Nuair a logálann tú isteach, gliogáil ar an gcnaipe "Acmhainní Suibscríofa". Gliogáil anseo chun logáil isteach ar shuíomh idirlín na leabharlainne.
Gliogáil anseo chun logáil isteach má chláraigh tú cheana le NetLibrary.