Scéim Léitheoireachta Sláintiúil
Scéim Léitheoireachta Sláintiúil
Seoladh scéim nua i Maigh Eo – Tá Scéim Léitheoireachta Sláintiúil Mhaigh Eo leagtha amach chun treoir a thabhairt do dhaoine maidir lena rogha leabhar féinchabhrach ar féidir a úsáid i gcomhar le moltaí cóireála ó ghairmithe sa chúram sláinte. Is tionscnamh í an scéim seo arna fhorbairt ag Feidhmeannacht na Seirbhíse Sláinte agus Leabharlann Chontae Mhaigh Eo.
Molann gairmithe sa chúram sláinte na leabhair i Scéim Léitheoireachta Sláintiúil Mhaigh Eo chun cabhrú le héagsúlacht fadhbanna mothúchánacha agus síceolaíocha. Cinntíonn sé sin leibhéal ard caighdeáin agus ábharthachta don té a théann i gcomhairle leo. Áirítear ar an hábhair a chlúdaíonn siad méala, dúlagar, fadhbanna caidrimh, tuismitheoireacht agus féinmheas.
- Léitheoireacht Sláintiúil (Daoine Fásta)
- Léitheoireacht Sláintiúil (Teaghlaigh)
Dar leis an Eagraíocht Dhomhanda Sláinte “Tá cúig faoin gcéad ar an laghad den daonra [daonra na hEorpa] ag fulaingt de bharr meabhairghalair tromchúiseach ar féidir a dhiagnoísiú agus .... tá fadhbanna meabhairshláinte níos ginearálta ag gabháil ar idir 15 agus 20 faoin gcéad de dhaoine fásta na Eorpa” (Tuarascáil Sláinte Domhanda 2001 – Meabhairshláinte: Tuiscint nua, Dóchas Nua). Ach tá geis shuntasach fós ag baint le deacrachtaí meabhairshláinte – is féidir le rud chomh simplí le leabhair a bhaineann le saincheisteanna meabhairshláinte a bheith ar fáil i leabharlann phoiblí, agus iad insroichte agus ar fáil do gach duine, cabhrú chun an stiogma sin a laghdú, agus cur le feasacht i leith na saincheisteanna sin in intinn an phobail.